Португалиялик футболчи Бернарду Сильва Шимолий Македония терма жамоаси ҳақида фикр билдирди. У македонияликларнинг кучли томонларини қайд этди ва бўлажак ўйин ҳақидаги фикрлари билан ўртоқлашди.
"Улар бунга лойиқ бўлганлари учун шу ерга етиб келишди. Шимолий Македония Германия ва Италияни мағлуб этди, гарчи тўпга эгалик қилиш статистикаси уларнинг фойдасига бўлмаса ҳам. Биласизми, бу кучли ва аҳил жамоанинг белгиси. Португалия қийинчиликларга дуч келади, аммо биз уларни енгиш учун қўлимиздан келганини қиламиз», - деди Сильва УЕФА расмий сайтига.
Шимолий Македония терма жамоаси ЖЧ-2022 саралаш турнири ярим финалида Италия терма жамоасини мағлуб этди. Португаллар турк жамоасини мағлуб этишди. Португалия ва Шимолий Македония терма жамоалари ўртасидаги учрашув ғолиби ЖЧга йўл олади.
Учрашув 29 март куни Портудаги «Драгау» стадионида бўлиб ўтади ва Тошкент вақти билан соат 23:45да бошланади.
