Мадриднинг “Атлетико” клуби ҳужумчиси Луис Суарес ёзда жамоани тарк этиши мумкин. Жамоа бош мураббийи Диего Симеоне келаси мавсумдаги редаларига футболчини киритмаган, деб хабар беради Diario AS.
Уругвайлик футболчининг жамоадаги ўрнини ёш ҳужумчи Жоау Феликс эгаллаши кутилмоқда. Португалиялик футболчи мавсумни иккинчи ярмини анча сермаҳсул ўтказаётгани сабабли Симеоне ортиқ Суаресга ишонмоқчи эмас.
Эслатиб ўтамиз, уругвайлик форвард 2020 йилда "Барселона"дан "Атлетико"га ўтган эди.
Жорий йилда 35 ёшли ҳужумчи матрасчилар сафида барча мусобақаларда 37 та ўйин ўтказиб, 11 та гол урди ва 3 та голга ассистентлик қилди.
