Лондоннинг «Арсенал» клуби раҳбарияти аргентиналик ҳужумчи Лаутаро Мартинеснинг трансфери бўйича Миланнинг «Интер» клубига илк расмий таклифни юборишди.
Mirror нашрининг хабарига кўра, "Канорирлар" яқинда «Интер» билан янги шартнома борасида келишиб олган 24 ёшли аргентиналик футболчини ўз сафига қўшиб олмоқчи. Айтиш жоизки, фойдали таклиф бўлса миланликлар Лаутарони сотишга тайёр. «Интер» ҳужумчининг трансферидан 70 миллион еврога яқин даромад олмоқчи.
Эслатиб ўтамиз, жорий мавсумда Лаутаро Мартинес Италия чемпионатида 27 та ўйинда майдонга тушиб, 14 та гол урди ва 2 та голга ассистентлик қилди.
