Londonning «Arsenal» klubi rahbariyati argentinalik hujumchi Lautaro Martinesning transferi bo‘yicha Milanning «Inter» klubiga ilk rasmiy taklifni yuborishdi.
Mirror nashrining xabariga ko‘ra, "Kanorirlar" yaqinda «Inter» bilan yangi shartnoma borasida kelishib olgan 24 yoshli argentinalik futbolchini o‘z safiga qo‘shib olmoqchi. Aytish joizki, foydali taklif bo‘lsa milanliklar Lautaroni sotishga tayyor. «Inter» hujumchining transferidan 70 million yevroga yaqin daromad olmoqchi.
Eslatib o‘tamiz, joriy mavsumda Lautaro Martines Italiya chempionatida 27 ta o‘yinda maydonga tushib, 14 ta gol urdi va 2 ta golga assistentlik qildi.
