"Челси" "Ювентус" ҳужумчиси Пауло Дибала учун курашга қўшилиш имкониятини кўриб чиқмоқда, унинг Турин клуби билан шартномаси жорий мавсум охирида якунланади, деб хабар беради Daily Mail.

Айни дамда “кўклар” жорий қилинган санкциялар туфайли ўйинчиларни сотиб ололмайдилар, бироқ янги хўжайин билан боғлиқ вазият ҳал бўлиши биланоқ, клуб яна трансфер бозоридаги фаолиятини давом эттириши мумкин бўлади.

Дибала учун бошқа даъвогарлар орасида "Интер", "Барселона" ва "ПСЖ" ҳам бор. Аммо 28 ёшли аргентиналик футболчининг ўзи "Атлетико"га ўтишга интилмоқда.

“Бьянконери” таркибида футболчи 283 та ўйин ўтказиб, 113 та гол урди ва 48 та голли узатмани амалга оширди, 5 карра Италия чемпиони, тўрт карра Италия кубоги ғолиби бўлди.

Аввалроқ, Дибала мавсум якунида шартнома муддати тугагач, текинга «Ювентус»ни тарк этиши малум бўлганди.