"Chelsi" "Yuventus" hujumchisi Paulo Dibala uchun kurashga qo‘shilish imkoniyatini ko‘rib chiqmoqda, uning Turin klubi bilan shartnomasi joriy mavsum oxirida yakunlanadi, deb xabar beradi Daily Mail.

Ayni damda “ko‘klar” joriy qilingan sanksiyalar tufayli o‘yinchilarni sotib ololmaydilar, biroq yangi xo‘jayin bilan bog‘liq vaziyat hal bo‘lishi bilanoq, klub yana transfer bozoridagi faoliyatini davom ettirishi mumkin bo‘ladi.

Dibala uchun boshqa da’vogarlar orasida "Inter", "Barselona" va "PSJ" ham bor. Ammo 28 yoshli argentinalik futbolchining o‘zi "Atletiko"ga o‘tishga intilmoqda.

“Byankoneri” tarkibida futbolchi 283 ta o‘yin o‘tkazib, 113 ta gol urdi va 48 ta golli uzatmani amalga oshirdi, 5 karra Italiya chempioni, to‘rt karra Italiya kubogi g‘olibi bo‘ldi.

Avvalroq, Dibala mavsum yakunida shartnoma muddati tugagach, tekinga «Yuventus»ni tark etishi malum bo‘lgandi.