"Ювентус" Поль Погбани жамоага қайтармоқчи.
Ярим ҳимоячининг "Манчестер Юнайтед" билан шартномаси ниҳоясига етмоқда ва футболчи ёзда эркин агентга айланиши мумкин.
Calciomercato.com хабарига кўра, “Ювентус” франциялик футболчининг жамоа ярим ҳимояси учун нима қила олишини яхши билади. Бироқ клуб Погбага йилига 10 миллион евродан кўпроқ маош тўлашга тайёр эмас.
Қайд этилишича, футболчи томонидан "Ювентус"га қайтиш истаги борлиги ҳақида сигналлар бўлган.
Ярим ҳимоячи 2012 йилдан 2016 йилгача туринликлар сафида ўйнаган. Жорий мавсумда у "Манчестер Юнайтед" учун барча турнирларда 23 та ўйинда майдонга тушиб, 1 та гол уришга эришди.
