Македония терма жамоаси собиқ ҳужумчиси Горан Мазнов 2022 йилги Жаҳон чемпионатида иштирок этиш учун йўлланма берадиган Португалия ҳамда Шимолий Македония терма жамоалари ўртасидаги учрашувдан аввалги фикрларини билдирди.
«Португалия терма жамоаси, албатта фаворит. Лекин бу қоғозда. Македония терма жамоаси ҳар қандай рақиб билан кураша олишини исботлади. Термада ҳақиқий жамоавий руҳ бор. Таркибда ўзини кўрсатишни истайдиган умидли ёш футболчилар бор. Қолаверса, Македония терма жамоасидаги футболчиларнинг ярми Европанинг яхши клубларида ўйнашини унутманг.
Улар Европа мусобақаларида тажрибага эга. Умуман олганда, мамлакатимизда футбол жадал суръатлар билан ривожланаётганини кўриш мумкин. Мағлуб бўлсак ҳам.... Италия устидан қозонилган ғалаба аллақачон муваффақият, лекин бундан ҳам узоққа борсак, бу ҳақиқий сенсация бўлади. Ҳар қандай ҳолатда ҳам, айтганимдек, йигитлар ёш, уларни ҳали олдинда кўплаб ғалабалар кутиб турибди» - деди Мазнов.
