"Милан" вакиллари Мадридга ярим ҳимоячи Браим Диаснинг келишувини муҳокама қилиш учун етиб келишди.
22 ёшли футболчи икки мавсумни "Милан"да ўтказди ва у ерга "Реал"дан ижара асосида кўчиб ўтди. Милан клуби вакили Паоло Малдини футболчининг тўлиқ трансфери бўйича келишувни муҳокама қилиш учун Мадридга келди, деб хабар беради Diario As.
Италияликларда уни 22 миллион еврога сотиб олиш имконияти бор, аммо “россонерилар” уни арзонроққа олмоқчи. Малдинининг вазифаси футболчи учун товон пули миқдорини камайтиришдир.
Жорий мавсумда футболчи А серияда 25 та ўйин ўтказиб, 3 та гол урди ва 3 та голли узатмани амалга оширди.
