Португалия терма жамоаси устози Фернанду Сантуш Шимолий Македония билан ЖЧ-2022 плей-офф ўйини (2:0) ҳақида гапирди.
«Мен аллақачон иккита турнирда (2016 йилда Евро ва 2019 йилда Миллатлар Лигасида) ғолиб бўлганман ва яна бир ғалабани орзу қиляпман.
Футболчилардан ўз ишларига бўлган ажойиб муносабат учун миннатдорман. Дастлабки 10 дақиқа қийин кечди, лекин мен Шимолий Македония қандай ўйнашини йигитларга аллақачон айтгандим.
Майдонда ўзаро ёрдам руҳи бор эди, биз мухлисларнинг қўллаб-қувватлашини ҳис қилдик. Бу ҳақли ва адолатли ғалаба бўлди», — дейди Сантуш.
