Мадриднинг “Реал” клуби ярим ҳимоячиси Иско фаолиятини Италиянинг “Фиорентина” жамоасида давом эттириши мумкин, деб хабар беради Mundo Deportivo.
Манбага кўра, Карло Анчелотти терма жамоаларга чақирилмаган футболчиларига тақдим этган халқаро танаффус ва дам олиш кунларидан фойдаланиб, Иско оиласи билан Флоренцияга йўл олганди.
Тахминларга кўра, у ерда футболчи ва "Фиорентина" вакиллари ўртасида дастлабки мулоқот бўлиб ўтган.
Испаниялик футболчининг "Реал" билан шартномаси 2022 йилнинг ёзига қадар амал қилади.
Эслатиб ўтамиз, Иско "Реал"га 2013 йилда "Малага"дан ўтган эди.
Жорий мавсумда футболчи Испания чемпионатининг 11 та учрашувида қатнашиб, битта гол урган.
