Madridning “Real” klubi yarim himoyachisi Isko faoliyatini Italiyaning “Fiorentina” jamoasida davom ettirishi mumkin, deb xabar beradi Mundo Deportivo.
Manbaga ko‘ra, Karlo Anchelotti terma jamoalarga chaqirilmagan futbolchilariga taqdim etgan xalqaro tanaffus va dam olish kunlaridan foydalanib, Isko oilasi bilan Florensiyaga yo‘l olgandi.
Taxminlarga ko‘ra, u yerda futbolchi va "Fiorentina" vakillari o‘rtasida dastlabki muloqot bo‘lib o‘tgan.
Ispaniyalik futbolchining "Real" bilan shartnomasi 2022 yilning yoziga qadar amal qiladi.
Eslatib o‘tamiz, Isko "Real"ga 2013 yilda "Malaga"dan o‘tgan edi.
Joriy mavsumda futbolchi Ispaniya chempionatining 11 ta uchrashuvida qatnashib, bitta gol urgan.
