Терма жамоалар йиғинлари якунланиб, Суперлига қайтмоқда. “Аждарлар” Суперлиганинг 4-турида Тошкентда “Локомотив” жамоаси меҳмони бўлади. Шу беллашувдан сўнг қаршиликлар ОЧЛ гуруҳ босқичида иштирок кетиш учун Саудия Арабистонига учиб кетади.

Қуйида “аждарлар”нинг “темирйўлчилар”га қарши ўтган беллашувларига оид статистикаси билан танишишингиз мумкин:

Ушбу жамоалар Ўзбекистон чемпионатида шу кунгача 34 бор куч синашишган. Устунлик “аждарлар” томонида. Бўлиб ўтган 15 учрашувда "Насаф", 13 ўйинда эса “темирйўлчилар” зафар қучишган. 6 учрашувда эса дуранг натижа қайд этилган. Тўплар нисбати 45:38 "аждарлар" фойдасига.

Ўзаро учрашувларда қайд этилган энг юқори ҳисоблар бир хил кўринишда: “Насаф” – “Локомотив” 5:2, “Локомотив” – “Насаф” 5:2.

Жамоалар сўнгги ўзаро учрашувни 2021 йили 27 ноябрь куни Қаршида ўтказган. Бу учрашувда “темирйўлчилар” 3:1 ҳисобида зафар қучишган.

Эътиборингизга, жамоалар иштирокидаги сўнгги беш учрашувнинг натижаларини ҳавола қиламиз:

27.11.2021 Насаф — Локомотив 1:3
30.07.2021 Локомотив — Насаф 2:0
03.12.2020 Насаф — Локомотив 0:0
27.08.2020 Локомотив — Насаф 0:4
17.08.2019 Локомотив — Насаф 1:0