«Ювентус» дан 1-0 хисобида учралган мағлубият «Чезена»ни В серияга тушириб юборди.

Мазкур учрашув олдидан жамоа фақатгина мазкур учрашувдаги ғалаба А серияда қолиш учун курашни давом эттириш имконияни беришини билар эди.

Шунга қарамасдан ҳатто дуранг натижани ушлаб қолиш жамоа учун бажарилмас ишга айланди. Бунинг оқибатида «Чезена» А серияда қолиш учун математик имкониятлардан хам маҳрум бўлди. Бу мавсум клуб учун жуда кескин давом этди, лекин мавсум учун қуйилган максадларни ечиш учун на трансфер фаолияти на мавсум давомида мураббийларни алмаштиришлар ёрдам берди. Ваҳоланки, мавсум давомида клуб 3 та мураббий хизматидан фойдаланди. Уз мақсадларига ишонган клуб жамоага Антонио Кандрева, Адриан Муту, Хорхе Мартинес ва Джанлука Комоттоларни таклиф қилди, бундан ташқари ўз етакчиси Марко Паролони олиб қолди.

«Чезена» билан А сериядаги биринчи мавсумини 15 ўринда якунлаган бош мураббий Массимо Фикаденти билан хайрлашиш қарори кейинги мураббийлар алмашинувини келтириб чиқарди. Фикадентининг биринчи ўринбосари Марко Жампаоло 9 уйинда 3 очко жамғаргани учун октябрь ойининг ўзида ишдан бўшатилди. Навбатдаги мурабий Даниэле Арригони олти ўйинда тўртта ғалабага эришди лекин клуб феврал ойида унга ҳам эшикни кўрсатди.Ҳозирги вақтда эса клубни 11 ўйинда бирор марта ҳам ғалаба козонмаган Марио Беретта бошкармокда.