Мадриднинг «Реал» клуби бош мураббийи Карло Анчелоттида коронавирус аниқланди.
Мадридликлар матбуот хизмати хабарига кўра, 62 ёшли тажрибали италиялик мутахассис коронавирусга чалинган. Анчелотти бўлажак Испания чемпионатининг «Сельта» билан ўйинида ўз шогирдларини бошқара олмайди.
Шунингдек, Карло Чемпионлар лигаси чорак финалида Лондоннинг «Челси» жамоасига қарши биринчи баҳсни ҳам ўтказиб юбориши мумкин.
Эслатиб ўтамиз, Чемпионлар лигаси чорак финали доирасидаги «Реал» ва «Челси» ўртасидаги дастлабки учрашув 6 апрель куни бўлиб ўтади.