Халқаро футбол федерацияси (ФИФА) кенгаши Доҳада бўлиб ўтаётган ФИФАнинг 72-конгресси арафасида йиғилиш ўтказди ва ўйинчиларни ижарага беришнинг янги қоидаларини тасдиқлади. Бу ҳақда ташкилот расмий сайти хабар бермоқда.
1 июлдан кучга кирадиган янги регламентга кўра, минимал ижара муддати икки трансфер ойнаси оралиғида, энг кўпи эса бир йил бўлади. Ижарага олинган футболчини ижарага бериш тақиқланади.
Шунингдек, ФИФА мавсум давомида бир хил клублар ўртасидаги ижаралар сонини чеклаб қўйди (бир клубдан учтадан кўп олинмаслиги ва битта клубга учтадан кўп берилмаслиги).
Ижара шартларини (шу жумладан, муддати ва молиявий шартларини) белгилаб берувчи ёзма шартномани талаб қилиш мажбурий бўлади.
