Xalqaro futbol federasiyasi (FIFA) kengashi Dohada bo‘lib o‘tayotgan FIFAning 72-kongressi arafasida yig‘ilish o‘tkazdi va o‘yinchilarni ijaraga berishning yangi qoidalarini tasdiqladi. Bu haqda tashkilot rasmiy sayti xabar bermoqda.
1 iyuldan kuchga kiradigan yangi reglamentga ko‘ra, minimal ijara muddati ikki transfer oynasi oralig‘ida, eng ko‘pi esa bir yil bo‘ladi. Ijaraga olingan futbolchini ijaraga berish taqiqlanadi.
Shuningdek, FIFA mavsum davomida bir xil klublar o‘rtasidagi ijaralar sonini cheklab qo‘ydi (bir klubdan uchtadan ko‘p olinmasligi va bitta klubga uchtadan ko‘p berilmasligi).
Ijara shartlarini (shu jumladan, muddati va moliyaviy shartlarini) belgilab beruvchi yozma shartnomani talab qilish majburiy bo‘ladi.
