Замбия Футбол Федерацияси (FAZ) ФИФА тиббиёт штабида ишлаган замбиялик шифокор Жозеф Кабунгонинг 2022 йилги Жаҳон чемпионатига Африка қитъаси саралаш босқичи доирасида бўлиб ўтган Нигерия - Гана (1:1) ўйинида вафот этганини ҳақида эълон қилди.
Кабунго ўйиндан кейин Нигерия жамоаси мухлислари томонидан калтакланган. ФИФА ходими шифохонага етказилган, бироқ унинг ҳаётини сақлаб қолишнинг имкони бўлмаган.
"Замбия футбол федерацияси бутун футбол оиласи билан бирга марҳум доктор Жозеф Кабунго учун мотам тутади. Доктор Кабунгонинг оила аъзоларига самимий ҳамдардлик билдирамиз" - дейилади расмий баёнотда.
Нигерия терма жамоаси ЖЧ-2022га йўлланмани қўлга кирита олмаганидан сўнг, мухлислар майдонга югуриб чиқиб, тартибсизликлар уюштиришди. Нигерия 16 йил ичида биринчи марта жаҳон чемпионатига чиқа олмади.
