"Барселона"нинг бош мураббийи Хосеп Гвардиола Каталония клуби билан ёзда ниҳояланадиган шартномасини узайтирмасликка қарор қилди, - дея хабар қилмоқда Би-Би-Си.
Манбанинг маълумотларига кўра, мутахассис ўз професиионал карьерасида танаффус олмоқчи. Гвардиоланинг ушбу қарори ҳақида эртага бўлиб ўтадиган матбуот анжуманида расман эълон қилинади.
Илгарироқ "Барселона" Гвардиоланинг маоши ва янги битимнинг муддатлари борасида ҳар қандай шартларга рози эканлиги борасида хабарлар тарқаган эди. Мураббийнинг амалдаги шартномаси 30 июнь куни ниҳояланади.
