Москванинг ЦСКА клуби матбуот хизмати ходими Михаил Санадзе Кейсуке Хонданинг 18 миллион евро эвазига "Лацио"га ўтиши ҳақидаги хабарларни инкор қилди.
"Биз бу хабарни қатъий равишда инкор қиламиз. Нима ёзилган бўлса - бу япон журналистларининг уйдирмаси. Бу хабарнинг ҳеч қандай асослари йўқ ва бу гаплар қаердан чиқди, тушунмаймиз.
Бизнинг клубимиз қишда ҳақиқатдан ҳам "Лацио" билан музокара олиб борган. Унда томонлар келиша олмаганлар. Шундан буён биз "Лацио" мутасаддилари билан ҳеч қандай алоқага чиқмаганмиз", - дея Санадзенинг сўзларини келтиради La Lazio Siamo Noi.
Эслатиб ўтамиз, Япониянинг Sports Nippon нашри клублар Хонданинг ўтиши борасида аллақачон келишиб бўлганликлари ҳақида хабар тарқатганди.
