Football Insider хабарига кўра, «Эвертон» «Лестер» ҳимоячиси Янник Вестергорни ўз сафига қўшиб олмоқчи.
Даниялик ҳимоячи ўтган йили «Саутгемптон»дан 15 миллион фунт эвазига «Лестер»га келиб қўшилганди, аммо асосий таркиб футболчисига айлана олмади.
«Тулкилар» бош мураббийи Брендан Рожерс ҳимоя марказида Даниель Амарти ва Чаглар Сеюнджю жуфтлигидан фойдаланишни афзал кўрмоқда. Шу тариқа, Дания терма жамоаси футболчиси жорий мавсумда Премьер-лигада бор йўғи 10та ўйин ўтказди.
Transfermarkt портали хабарига кўра, футболчининг трансфер баҳоси 15 миллион еврони ташкил қилади.
