Football Insider xabariga ko‘ra, «Everton» «Lester» himoyachisi Yannik Vestergorni o‘z safiga qo‘shib olmoqchi.

Daniyalik himoyachi o‘tgan yili «Sautgempton»dan 15 million funt evaziga «Lester»ga kelib qo‘shilgandi, ammo asosiy tarkib futbolchisiga aylana olmadi.

«Tulkilar» bosh murabbiyi Brendan Rojers himoya markazida Daniyel Amarti va Chaglar Seyundjyu juftligidan foydalanishni afzal ko‘rmoqda. Shu tariqa, Daniya terma jamoasi futbolchisi joriy mavsumda Premyer-ligada bor yo‘g‘i 10ta o‘yin o‘tkazdi.

Transfermarkt portali xabariga ko‘ra, futbolchining transfer bahosi 15 million yevroni tashkil qiladi.