"Манчестер Сити" бош мураббийи Роберто Манчини Англия чемпионати 36-турида "МЮ" қарши бўладиган ўйинга Балотеллини майдонга тушириши мумкинлигига шаъма қилди.
"Ҳозир "МЮ"билан ўйинга Балотеллини тушираманми, йўқми, айтолмайман. Менинг тасарруфимда ўйинчиларнинг кенг рўйхати бор, қарорни якшанба куни қабул қиламан.
Ўзининг аҳмоқона қилиқларига қарамай Марио фойда келтирди, масалан, у "Олд Траффорд"да дубль қилди. Лекин ундан нима кутишни олдиндан билмайсан.
Менинг у билан муомалам - худди оиладагидай, бола шумлик қилиб қўйгандан кейинги ҳолатга ўхшайди. У ҳали ёш ва жамоасини мушкул аҳволга солиб қўядиган хатолар қилмоқда. Шунга қарамай Марио катта иқтидор эгаси ва умид қиламанки у келгуси мавсумда ҳам "Сити"да қолади. Ҳаммаси ўз қўлида", - дея Манчинининг сўзларини келтиради BBC.
