“Лацио” ёзда “Милан” ҳимоячиси Алессио Романьолини сотиб олмоқчи. Бироқ, томонлар шартноманинг баъзи тафсилотлари бўйича келиша олишмаяпти

Corriere dello Sport хабарига кўра, футболчининг ўзи "Лацио" билан шахсий шартнома шартларини келишиб олди. Аммо томонлар бонус миқдори, шунингдек агентлик тўловлари бўйича ҳали келишувга эриша олишмади.

Қайд этилишича, “Лацио” футболчига бонусларни ҳисобга олмаганда йилига 3,2 миллион евро маош билан беш йиллик шартнома таклиф қилмоқда.

Жорий мавсумда “Милан” сафида 27 ёшли Романьоли 18 та ўйинда майдонга тушиб, 1 та гол урди. Футболчининг “россонерилар” билан шартномаси 2022 йилнинг июн ойи охиригача амал қилади.