“Lasio” yozda “Milan” himoyachisi Alessio Romanyolini sotib olmoqchi. Biroq, tomonlar shartnomaning ba’zi tafsilotlari bo‘yicha kelisha olishmayapti
Corriere dello Sport xabariga ko‘ra, futbolchining o‘zi "Lasio" bilan shaxsiy shartnoma shartlarini kelishib oldi. Ammo tomonlar bonus miqdori, shuningdek agentlik to‘lovlari bo‘yicha hali kelishuvga erisha olishmadi.
Qayd etilishicha, “Lasio” futbolchiga bonuslarni hisobga olmaganda yiliga 3,2 million yevro maosh bilan besh yillik shartnoma taklif qilmoqda.
Joriy mavsumda “Milan” safida 27 yoshli Romanyoli 18 ta o‘yinda maydonga tushib, 1 ta gol urdi. Futbolchining “rossonerilar” bilan shartnomasi 2022 yilning iyun oyi oxirigacha amal qiladi.
