Лондоннинг "Челси" клуби бош мураббийи Роберто ди Маттео журналистларнинг Роман Абрамович Гвардиолани "кўклар"нинг янги бош мураббийи сифатида кўраётгани хусусидаги тахминларини изоҳлар экан, "Барселона"нинг собиқ бош мураббийи ишига тан бериши айтиб ўтган.
"Гвардиола — ёш мураббийнинг идеал кўриниши, ўрнак олиш учун намуна ҳисобланади. Унинг шу ёшда қилган ишлари, эришган ютуқлари фантастикадан бошқа нарса эмас. Модомики, у "Барселона"дан кетишга қарор қилган экан, демак, у буни энг тўғри қарор деб ҳисоблайди. Унинг учун ўз карьераси – худди оиласидек гап. Агар Пеп жаҳоннинг энг яхши мураббийси бўлмаган тақдирда ҳам, энг яхшиларидан бири эканлиги аниқ. Яна қайтараман, у ўрнак олиш учун намунавий инсон", — деди ди Маттео.
