"Интер" ҳужумчи Лаутаро Мартинесни сотиш бўйича таклифларни кўриб чиқишга тайёр. Милан клуби футболчи учун камида 80 миллион евро олмоқчи, дея хабар беради Calciomercato.
24 ёшли аргентиналик футболчига Англиянинг “Челси” ва “Арсенал” клублари даъвогарлик қилмоқда. Унинг "Интер" билан шартномаси 2026 йилда якунига этади.
Олдинроқ ҳужумчига Мадриднинг "Атлетико" клуби ҳам қизиқиш билдираётгани ҳақида хабарлар тарқалган эди.
Жорий мавсумда Лаутаро 39 учрашувда 16 та гол урди ва 3 та голли узатмани амалга оширди.
