"Наполи" марказий ҳимоячиси Калиду Кулибали клуб билан шартномани узайтириш борасида музокараларни давом эттирмоқда.
Сенегаллик футболчининг амалдаги шартномаси келаси ёзда якунига етади. Николо Скиранинг сўзларига кўра, "Наполи" Кулибалига 2025 йилгача мўлжалланган янгиланган шартнома таклиф қилмоқда. 30 ёшли футболчига 2022/23 йилги мавсум бошидан жамоа сардори вазифаси ҳам ваъда қилинади. Муҳокамалар келгуси ҳафталарда бўлиб ўтади.
Калиду Кулибали жорий мавсумда неаполликлар сафида 28 та ўйинда майдонга тушиб, 2 та гол урди. Сенагаллик ҳимоячи ҳозирда "Наполи" вице-сардори ҳисобланади.
