РПЛ 23-тур учрашуви доирасида «Сочи» ўз майдонида «Зенит»ни қабул қилди.
Унда меҳмонлар ҳужумчиси Артём Дзюба асосий таркибда майдонга тушди ва 66-дақиқада алмаштирилди.
Шу тариқа, Дзюбанинг голсиз серияси аллақачон кетма-кет етти учрашувни ташкил этмоқда. Охирги марта 33 ёшли форвард Россия чемпионатининг 15-турида Нижний Новгородга (5:1) қарши ўйинда гол урган эди, бу ўйин 2021 йилнинг 19 ноябрида бўлиб ўтган.
Жорий мавсумда Дзюба 21 та ўйинда майдонга тушиб, 10 та гол урди ва 6 та голли узатмани амалга оширди.