Яқин вақтлар ичида Лондоннинг «Арсенал» клуби «Эвертон» ҳужумчиси Ришарлисонни сотиб олиш масаласига жиддий киришиши мумкин.
«Канонирлар»нинг «Эвертон» ва Бразилия терма жамоаси футболчисига қизиқиши ҳақидаги миш-мишлар узоқ вақтдан бери пайдо бўлган. GiveMeSport нашри маълумотларига кўра, ушбу трансфер имкониятлари ҳақиқатан жиддий тус олмоқда.
«Эвертон» Англия премьер-лигасида ўз ўрнини сақлаб қолиш учун курашмоқда ва клуб молиявий қийинчиликни бошдан кечирмоқда, шу сабабли, клуби асосий футболчиларни сотиши мумкин.
24 ёшли Ришарлисон Transfermarkt томонидан 50 миллион еврога баҳоланган. Унинг «Эвертон» билан шартномаси 2024 йилнинг ёзига қадар мўлжалланган.
