"Лацио" ярим ҳимоячиси Сергей Милинкович-Савич фаолиятини "Манчестер Юнайтед"да давом эттириши мумкин, деб хабар беради Correira dello Sport.

Манбанинг хабарига кўра, инглиз клуби 27 ёшли сербиялик футболчини сотиб олиш масаласини яна бир бор кўриб чиқиши мумкин, у жамоани тарк этиши кутилаётган Поль Погбага ўринбосар сифатида кўрилмоқда.

Эслатиб ўтамиз, Милинкович-Савич жорий мавсумда “Лацио” таркибида 40 та ўйинда майдонга тушиб, 9 та гол урди ва 10 та голли узатмани амалга оширди. Transfermarkt портали футболчининг нархини 70 миллион еврога баҳоламоқда.