"Lasio" yarim himoyachisi Sergey Milinkovich-Savich faoliyatini "Manchester Yunayted"da davom ettirishi mumkin, deb xabar beradi Correira dello Sport.

Manbaning xabariga ko‘ra, ingliz klubi 27 yoshli serbiyalik futbolchini sotib olish masalasini yana bir bor ko‘rib chiqishi mumkin, u jamoani tark etishi kutilayotgan Pol Pogbaga o‘rinbosar sifatida ko‘rilmoqda.

Eslatib o‘tamiz, Milinkovich-Savich joriy mavsumda “Lasio” tarkibida 40 ta o‘yinda maydonga tushib, 9 ta gol urdi va 10 ta golli uzatmani amalga oshirdi. Transfermarkt portali futbolchining narxini 70 million yevroga baholamoqda.