«Наполи» ярим ҳимоячиси Фабиан Руис «Реал» жамоаси кўчиб ўтиш учун клуб билан шартномасини бекор қилишга тайёр. Бу ҳақда Football Italia нашри хабар бермоқда.
Манбага кўра, неаполликлар шартномаси 2023 йилнинг ёзида якунига етадиган футболчини сотишни кутишмоқда. 26 ёшли футболчига шахсан «Наполи»да испаниялик футболчи билан бирга ишлаган қаймоқранглилар бош мураббийи Карло Анчелотти қизиқиш билдирмоқда.
Руис жорий мавсумда неаполликлар сафида барча мусобақаларда 32 та ўйинда майдонга тушиб, 6 та гол урди ва 4 та голли узатмани амалга оширди. Transfermarkt портали ярим ҳимоячининг нархи 55 миллион еврога баҳоламоқда.
