Мадриднинг “Реал” клуби бош мураббийи Карло Анчелотти бугун “Челси”га қарши Чемпионлар лигаси 1/4 финали биринчи ўйинини ўтказиш учун жамоа билан Лондонга учмайди.
Италиялик мутахассис март ойи охирида коронавирус билан касалланган эди. Мадрид жамоаси Лондонга жўнаб кетиш арафасида Анчелоттининг ковид-тести яна ижобий натижа берди, дея хабар беради Marca.
Манбага кўра, Анчелотти "Реал"ни "Челси"га қарши биринчи ўйинда ҳам шахсан бошқариши мумкин, аммо бунинг учун эртага мураббийнинг ковид-тести салбий натижа бериши керак.
Эслатиб ўтамиз, мутахассис “Реал”нинг Испания чемпионати доирасидаги “Сельта”га қарши сўнгги ўйинини (2:1) ҳам касаллик туфайли ўтказиб юборган эди.
