Мадриднинг “Реал” клуби ярим ҳимоячиси Гарет Бэйлнинг агенти унинг мижози мавсум охирида жамоани тарк этишини тасдиқлади. Эслатиб ўтамиз, футболчининг шартномаси 2022 йилнинг июньида якунига етади.
"Гарет "Реал" билан муносиб хайрлашишга лойиқ. Флорентино Перес уни доим қўллаб-қувватлаган. Бэйл "Реал"ни ва айниқса Мадридни яхши кўради. У ҳақида ёмон гапирадиганлар паразитлардир", - дея агентдан иқтибос келтиради италиялик журналист Фабрицио Романо.
Эслатиб ўтамиз, Бэйл "Реал"га 2013 йилнинг ёзида "Тоттенхэм"дан ўтган эди. Клубдаги 8 мавсумда уэльслик футболчи тўрт марта Чемпионлар лигасида ғалаба қозонишга ва икки марта Ла Лига чемпионлигини қўлга киритишга муваффақ бўлди.
