Daily Mail хабарига кўра, "Тоттенхэм" мавсум охирида "Ювентус" ярим ҳимоячиси Деян Кулушевскини сотиб олиш имкониятидан фойдаланади.
Манбага кўра, Кулушевски ёзда "Тоттенхэм"нинг тўлиқ аъзосига айланиши мумкин. "Шпорлар" футболчи учун 29 миллион евро тўлашга тайёр.
21 ёшли футболчи 2022 йилнинг январида инглиз клубига ижара асосида ўтган ва жамоа бош мураббийи Антонио Контеда яхши таассурот қолдирганди.
2021/22 йилги мавсумда Кулушевски Премьер-лигада 10 та ўйин ўтказиб, 2 та гол урди ва 5 та голли узатмани амалга оширди.
