Daily Mail xabariga ko‘ra, "Tottenxem" mavsum oxirida "Yuventus" yarim himoyachisi Deyan Kulushevskini sotib olish imkoniyatidan foydalanadi.

Manbaga ko‘ra, Kulushevski yozda "Tottenxem"ning to‘liq a’zosiga aylanishi mumkin. "Shporlar" futbolchi uchun 29 million yevro to‘lashga tayyor.

21 yoshli futbolchi 2022 yilning yanvarida ingliz klubiga ijara asosida o‘tgan va jamoa bosh murabbiyi Antonio Konteda yaxshi taassurot qoldirgandi.

2021/22 yilgi mavsumda Kulushevski Premyer-ligada 10 ta o‘yin o‘tkazib, 2 ta gol urdi va 5 ta golli uzatmani amalga oshirdi.