«Вильярреал» дарвозабони Херонимо Рульи Чемпионлар лигасининг чорак финал дастлабки учрашуви доирасида «Бавария» жамоасига қарши бўлиб ўтадиган ўйиндан олдинги фикрлари билан ўртоқлашди.
"Биз барча рақибларга бир хил ҳурмат билан муносабатда бўламиз. Ҳа, "Бавария" - фаворит, аммо биз яхши ўйин ўтказиб, тарих яратишни истаймиз. 1/8 финалнинг жавоб ўйинида жамоамизда ҳамма бор кучи билан ҳаракат қилди. Ҳамма жамоа учун меҳнат қилди ва жамоавий ўйин бизга муваффақият келтирди. Эртага биз яна шундай қилишга ҳаракат қиламиз », - деди дарвозабон УЕФА расмий сайтига.
