Франциялик футболчи Хатем Бен Арфа бош мураббий билан можаро туфайли «Лилль» жамоасидан четлаштирилди. 35 ёшли футболчи якшанба ва душанба кунлари жамоа машғулотларида қатнашмади.

2 апрель куни «Лилль» Франция чемпионати доирасида ўз майдонида «Бордо» (0:0) жамоаси билан дуранг ўйнади.

RMC Sport хабарига кўра, Бен-Арфа бош мураббий Хоселин Гурвеннекка "Биз жуда чуқур ўйнаймиз. Биз еврокубокларда қатнашиш учун курашаётган жамоага ўхшамаймиз. Бу "Генгам" эмас!" - деган.

Клуб раҳбарияти ушбу воқеа борасида маълумот йиғмоқда. Эслатиб ўтамиз, аввалроқ Хоселин Гурвеннек «Генгам» клуби бош мураббийи бўлиб ишлаган.

Эслатиб ўтамиз, Хатем Бен-Арфа январь ойида «Лилль» жамоасига кўчиб ўтган ва мавсум охиригача шартнома имзолаган эди.