«Реал» дарвозабони Тибо Куртуа жамоадоши Эден Азарнинг ўйини ҳақида фикр билдирди.

Ярим ҳимоячи бу мавсумда тез-тез жароҳат олгани учун кам майдонга тушди. Март ойи охирида бельгиялик жарроҳлик амалиётини бошдан кечирди, шу туфайли у жорий мавсумнинг қолган қисмини ўтказиб юборишга мажбур.

“Азар "Реал" учун фойдали футболчи. Биламан, унинг кайфияти руҳий тарафдан яхши. Асосийси, у жароҳатидан тикланиб, мавсумолди тайёргарликни яхши бошлайди. У "Челси"га қарши ўйнашни хоҳлайди, чунки у бу клубга етти йил умрини бағишлади. Ишончим комилки, у "Реал"га кўп нарса беради. Мен унга ишонаман", - деди Куртуа Marca нашрига.

Азар жорий мавсумда Ла Лигада 17 та ўйинда майдонга тушиб, 1 та голли узатмани амалга оширди.