Гонсало Игуаиннинг отаси футболчининг фаолияти якунлаши ҳақида гапирди. У "TNT Sports"га шундай дейди:

"Мен уни яна Аргентинага қайтади деб ўйламайман. Чунки ўғлим менга футбол ичида қолишини айтди. У Америкадаги сўнгги мавсумини ўтказмоқда. Мен ҳам уни футбол дунёсида қолишини истайман. Чунки у бу соҳани яхши билади. Унда муваффақиятлар учун кейин ҳам имконият бўлади. У профессионал футболчиликдан кетади. Аммо футболда қолиши керак".

Игуаин ўз фаолиятининг катта қисмини Италияда ўтказган. У А серияда 224 та ўйинда 125 та голга муаллифлик қилади.