Туриннинг “Ювентус” клуби ёзда жамоани тарк этадиган Пауло Дибалага ўринбосар топди. "Кекса синьора" "Барселона"нинг нидерландиялик ҳужумчиси Мемфис Депай билан шартнома имзолашни режалаштирмоқда, деб хабар беради Superdeporte.
Нидерландиялик футболчининг ўзи эса Хавининг кейинги мавсумдаги стратегиясига тўғри келмаслиги мумкин деб ҳисобламоқда ва фаолиятини давом эттириш имкониятларини ҳозирдан кўриб чиқмоқда. Италиянинг яна икки клуби - "Интер" ва "Милан" ҳам Мемфисга даъвогарлардан деб қаралмоқда.
Эслатиб ўтамиз, Депай "Барселона"да 2021 йилнинг ёзидан буён ўйнамоқда. У "Лион"дан эркин агент сифатида жамоага ўтган эди.
