Turinning “Yuventus” klubi yozda jamoani tark etadigan Paulo Dibalaga o‘rinbosar topdi. "Keksa sinyora" "Barselona"ning niderlandiyalik hujumchisi Memfis Depay bilan shartnoma imzolashni rejalashtirmoqda, deb xabar beradi Superdeporte.
Niderlandiyalik futbolchining o‘zi esa Xavining keyingi mavsumdagi strategiyasiga to‘g‘ri kelmasligi mumkin deb hisoblamoqda va faoliyatini davom ettirish imkoniyatlarini hozirdan ko‘rib chiqmoqda. Italiyaning yana ikki klubi - "Inter" va "Milan" ham Memfisga da’vogarlardan deb qaralmoqda.
Eslatib o‘tamiz, Depay "Barselona"da 2021 yilning yozidan buyon o‘ynamoqda. U "Lion"dan erkin agent sifatida jamoaga o‘tgan edi.
