«Челси» ва «Реал» «Интер» ҳимоячиси Милан Шкриньярга қизиқиш билдирмоқда.
Interlive нашри хабарига кўра, «Челси» ва «Реал Мадрид» Шкриньярнинг «Интер»даги ҳолатини кузатиб турибди. Ҳар икки клуб ҳам ўз ҳимоясини кучайтиришни истамоқда ва словакиялик футболчини ёзда сотиб олиши мумкин.
«Интер» Шкриньярни 2017 йилда «Сампдория»дан 34 миллион евро эвазига сотиб олди ва у дарҳол клуб асосий таркиб футболчисига айланди.
«Реал Мадрид» ҳали ҳам Серхио Рамоснинг ўрнига ўринбосар қидирмоқда. «Челси» ҳам ўз навбатида ёзда жамоадан кетиши мумкин бўлган Антонио Рюдигернинг ўрнини тўлдиришга ҳаракат қилиб кўради.
