«Chelsi» va «Real» «Inter» himoyachisi Milan Shkrinyarga qiziqish bildirmoqda.
Interlive nashri xabariga ko‘ra, «Chelsi» va «Real Madrid» Shkrinyarning «Inter»dagi holatini kuzatib turibdi. Har ikki klub ham o‘z himoyasini kuchaytirishni istamoqda va slovakiyalik futbolchini yozda sotib olishi mumkin.
«Inter» Shkrinyarni 2017 yilda «Sampdoriya»dan 34 million yevro evaziga sotib oldi va u darhol klub asosiy tarkib futbolchisiga aylandi.
«Real Madrid» hali ham Serxio Ramosning o‘rniga o‘rinbosar qidirmoqda. «Chelsi» ham o‘z navbatida yozda jamoadan ketishi mumkin bo‘lgan Antonio Ryudigerning o‘rnini to‘ldirishga harakat qilib ko‘radi.
