«Барселона» Роналд Араухо билан шартномасини узайтирганидан сўнг «Челси» ҳимоячиси Антонио Рюдигерни сотиб олиш фикридан қайтиши мумкин.
Инсайдер Фабрицио Романанинг таъкидлашича, «Барселона» ҳозирда Рюдигерни сотиб олмоқчи эмас, чунки «Челси»нинг бошқа ҳимоячиси Андреас Кристенсен мавсум охирида Каталония клуби билан шартнома имзолашга яқин турибди.
Аввалроқ Рюдигер «Барселона»дан катта молиявий таклифни талаб қилгани хабар қилинганди. Қолаверса, «Челси» ҳимоячисига А сериянинг бир қанча клублари қизиқиш билдираётгани ҳақида маълумотлар бор эди.
