«Ньюкасл Юнайтед» «Ливерпуль» ҳужумчиси Дивок Ориги билан шартнома имзоламоқчи, дея хабар беради Calciomercato.

Манбага кўра, «қарғалар» раҳбарияти сўнгги бир неча соат ичида 26 ёшли бельгиялик футболчига ўз таклифини юборган. «Ньюкасл» Ориги учун «Милан» билан кечадиган курашда ғалаба қозонишни истамоқда. Улар ҳужумчига йилига 4 миллион евролик тўрт йиллик шартнома таклиф қилмоқда.

Оригининг «Ливерпуль» билан шартномаси 2022 йилнинг июнида якунига етади. Ҳужумчи жорий мавсум мерсисайдликлар сафида 14 та ўйинда майдонга тушиб, 5 та гол уришга эришди.

Трансфермаркт бельгиялик футболчини 12 миллион еврога баҳоламоқда.