«Nyukasl Yunayted» «Liverpul» hujumchisi Divok Origi bilan shartnoma imzolamoqchi, deya xabar beradi Calciomercato.

Manbaga ko‘ra, «qarg‘alar» rahbariyati so‘nggi bir necha soat ichida 26 yoshli belgiyalik futbolchiga o‘z taklifini yuborgan. «Nyukasl» Origi uchun «Milan» bilan kechadigan kurashda g‘alaba qozonishni istamoqda. Ular hujumchiga yiliga 4 million yevrolik to‘rt yillik shartnoma taklif qilmoqda.

Origining «Liverpul» bilan shartnomasi 2022 yilning iyunida yakuniga yetadi. Hujumchi joriy mavsum mersisaydliklar safida 14 ta o‘yinda maydonga tushib, 5 ta gol urishga erishdi.

Transfermarkt belgiyalik futbolchini 12 million yevroga baholamoqda.