Dagbladet нашри хабарига кўра, «Рома» «Будё-Глимт»нинг ҳужумчиси Ола Сольбаккенга қизиқиш билдирмоқда.

Манбага кўра, футболчи Конференция лигаси гуруҳ босқичида «Рома» билан тўқнаш келган ўйинларда Рим клуби раҳбариятини ҳайратда қолдирган ва икки учрашувда римликлар дарвозасига учта гол урган. Умуман олганда, ушбу турнирда 23 ёшли футболчи 14 учрашувда 7 та гол урди.

Эслатиб ўтамиз, эртага, 7 апрель куни Жозе Моуриньо шогирдлари яна бир бор турнирнинг 1/4 финал босқичида Норвегия жамоасига қарши тўқнаш келади. Ўйин Тошкент вақти билан 00:00да бошланади.

Сольбаккеннинг клуб билан шартномаси шу ёзда якунига етади. Трансфермаркт Норвегия терма жамоаси футболчисини 2 миллион еврога баҳоламоқда.