Ўзбекистон Coca Cola кубоги гуруҳ босқичи, 1-туридан ўрин олган "Қизилқум"-" Навбаҳор"(0:2) учрашувидан кейинги матбуот анжуманининг биринчи қисмида меҳмонлар бош мураббийи Самвел Бабаян иштирок этиб, ОАВ ходимларининг саволларига жавоб берди.Самвел Вячеславовичнинг ўйин ҳақидаги фикрлари қуйидагича бўлди.

- Қуръа натижасига кўра, Ўзбекистон кубоги "А" гуруҳидан Суперлига жамоалари ўрин олишди ва ажойиб гуруҳ юзага келди. Бугунги ўйин гуруҳ босқичи,1-турининг марказий ўйинларидан бири бўлди,яъни, бугун майдонда Суперлиганинг икки етакчи клуби бир -бирига қарши майдонга тушди.Рақибимиз кучли, сифатли ўйин намойиш этадиган,яхши ижрочиларга эга жамоа ҳисобланади.Суперлиганинг ўтган турида мағлубиятга учрагандик.Шу боис,бугун ғалаба қозонганимиздан хурсандман.Ушбу зафар йигитларга мотивация беради,деган умиддаман.

Ислом Кенжабоевнинг жароҳати борлиги боис, бугун майдонга тушмади.У асосий таркиб футболчиси ҳамда жамоамизнинг кейинги ўйинларида ёрдам беради.

Элгужа Григалашвили жамоамизда катта ҳажмдаги ишни бажармоқда. У "Навбаҳор" учун жон куйдириб ўйнамоқда.

Мақсадимиз-"Навбаҳор"нинг брендини тиклаш, ОЧЛ йўлланмасини қўлга киритиш.Ўзбек футболи байроқдори бўлган "Навбаҳор"ни яна етакчилар сафига қайтариш,жамоа мухлисларига қувонч улашиш. Буни амалга ошириш учун қўлдан келганича ҳаракат қиламиз.